يا صاحب السجن .. سولف سوالف حزينة .. بس سمعني !!

يا (صاحب السجن) .. هالقضبان وش تعني ؟!!
البوح : صمتك .. وأنا
والسجن : أصحابك ..!!

انثر حروف السنابل .. هاك
.. وازرعني
وسبعٍ (عجاف) ورى الضلعين
{تحيا بك}

(البحر بحرك) وأشوف الموج
يصفعني
وراك ما ترمي عصاك , وتمسك
أعصابك

سولف .. سوالف حزينة .. بس
سمّعني
الجرح خله متى ما رحت ..
(يغتابك) !!

أرجوك سولف عن الأفراح
(واخدعني)
وأسقيك ياسي , وحلم صعب ..
يرقا بك !!

(العجل) ابن الفراغ ..
وأنت تدفعني
والصبر والسلوى .. مجرد
{حلم} بغيابك !!

البارحة .. ضآق المكان
بحلم يتبعني
وحاولت أغير طريق الحلم
(وأسها بك) !!

يا (صاحب السجن) هذا الضلع
يوجعني
تعال اقرا عليه الأرض ..
واغرابك !!

أخرجت {قلبي} .. و{بياضه}
حييييل روعني
وأيقظت (حلم) ورى
(الجفنين) متشابك ..!!

الوقت سيف إذا ما نمت
(قــطــعــنــي) ..
والنوم أبطى .. حبيبي أنت
{وش جآبك} !!

السجن رغم (انفرادي) صعب
ياسعني !!
أرجوك حس بشعوري و(أعلن)
غيابك !!

{سبحانه} أسرى بروحي بس
ضيعني ..
الفكر أسرى بروحي .. بس ما
أسرى بك !!!

تسلم يمينك اخووي ولآهنت عـ القصيدة الرآئعه ^

دآم لنآا ابدآعك ولآعدمنآا ذوقك الرآقي "

تقبل مروري ~

» هل نلوم الكلب ام صاحب الكلب؟؟؟